Шевченко World Tennis League-да Руудты жеңе алмады
Теннис
Богдан Писаренко
Getty Images. Александр Шевченко
Қазақстандық теннисші Александр Шевченко Абу-Дабиде (БАӘ) өтіп жатқан World Tennis League командалық турнирінде Grand Slam сериясының үш дүркін финалисты норвегиялық Каспер Руудпен кездесті.
Кездесу скандинавиялық теннисшінің пайдасына 6:4 есебімен аяқталды. Шевченко мен Руудтың арасындағы кездесу 34 минутқа созылды. Александрдың еншісінде екі қате және бір орындалмаған брейк-пойнт және бірде-бір эйс жоқ.
Айта кетсек, Рууд Kites командасының, ал Шевченко Eagles командасының намысын қорғайды.
Kites командасы 12:8 есебімен жеңіп келе жатыр.
Осыдан алдын Арина Соболенко World Tennis League турнирінде Елена Рыбакинаны жеңгені хабарланған болатын.