«“Жетеді” дейтін уақыт келді»: Чеферин Инфантиноға ашық түрде қоқан-лоқы көрсетті ме?
УЕФА президенті Александр Чеферин соңғы уақытта ФИФА-дағы әріптесі Джанни Инфантиноға қарсы ұстаным танытып жүр. European Football Clubs ұйымының жиынында еуропалық футбол басшысы ФИФА президентін сынға алу мүмкіндігін жібермеді, деп хабарлайды Sports24.kz.
Чеферин нақты есімдерді атамай, Инфантиноның әрекет ету үлгісін қандай да бір клубта елестету қиын екенін, өйткені оның ойға қонымды шектен шығатынын айтты:
«Соңғы уақытта футбол әлемі “реформа” немесе “даму” сияқты өте ыңғайлы ұрандарды көп естіді. Алайда чектегі сома қаншалықты ірі болғанына қарамастан, бұл жалпы көріністі өзгертпейді. Бас директорларыңыздың бірі сіздердің басты құндылықтарыңыздың бірін сатуға қатысты келіссөздерді жасырын жүргізіп жатқанын, ал директорлар кеңесі, ойыншылар мен жанкүйерлердің бұл туралы ештеңе білмейтінін елестетіп көріңіз. Мұны білгенде не істер едіңіздер?
Сол адамның саясаткерге арналған марапат тағайындағанын, ал көп ұзамай әлгі саясаткерге қоңырау түсіп, ойын ережелері аяқ астынан өзгеріп кеткенін елестетіңіздер. Директорлар кеңесі “жетеді” деп айтуы үшін мұндай жағдай клубтарыңызда қанша рет қайталануы керек? “Жетеді” дейтін уақыт келді. Ешқандай саясат пен билік ресурсы ешкімге футболды саудалауға құқық бермейді», — деді Чеферин.
Еске сала кетейік, жуырда Чеферин, басқа ұсыныстарымен қатар, ФИФА-ға әр ұлттық қауымдастыққа үш жыл бойы 30 миллион еуродан төлеуді ұсынған болатын, өйткені қауымдастықтарды қолдау сыртқы инвесторларды тарту қажеттілігінсіз-ақ ФИФА үшін қолжетімді.
