Өзбекстан мен Әзербайжан әлем чемпионатын қабылдайды: күндері аталды
Өзбекстан мен Әзербайжан 20 жасқа дейінгі құрамалар арасындағы футболдан әлем чемпионатын өткізуге дайындалып жатыр, деп хабарлайды Sports24.kz.
22 қазанда Халықаралық футбол федерациясы (ФИФА) Кеңесі Бюросының отырысы өтіп, онда FIFA U-20 әлем чемпионатының өтетін күндері ресми түрде жарияланды.
Өзбекстан мен Әзербайжандағы жарыс 2027 жылғы 17 қыркүйек пен 9 қазан аралығында өтеді.
- Сондай-ақ оқыңыз: Еуропа мұндайды әлі көрген жоқ: Чемпиондар лигасында ақылға қонымсыз рекорд орнатылды
Әлем чемпионатына 24 құрама қатысады. Әзербайжан мен Өзбекстан турнирге қабылдаушы елдер ретінде жолдама алды, ал қалған командалар жарысқа іріктеу кезеңі арқылы қатысады.
Айта кетейік, жастар арасындағы әлем чемпионатының ресми бренді 16 қазанда таныстырылды. Жарыстың «Бұл ойын — сен үшін» (Bu oyun sənlikdir) деген ұраны футболдың жаңа жұлдыздарын өз есімдерін тарихқа жазуға шақырады.
