Трамптың араласуынан кейінгі дау: ФИФА әлем чемпионатына байланысты ережелерді өзгертпек
Халықаралық футбол федерациясы (ФИФА) 2026 жылғы әлем чемпионаты кезінде болған жанжалдан кейін тәртіптік ережелерді өзгерту мүмкіндігін қарастырып жатыр, деп хабарлайды Sports24.kz.
Бұған АҚШ құрамасының шабуылшысы Фоларин Балогунның Босния және Герцеговинаға қарсы матчта тікелей қызыл қағаз алған жағдайы себеп болды.
Бастапқыда футболшы турнирдің келесі кездесуіне қатысу құқығынан айырылған еді. Алайда кейін ФИФА-ның тәртіптік комитеті жазаны жойып, америкалық ойыншыға Бельгияға қарсы матчта алаңға шығуға мүмкіндік берді.
Бұл шешім, әсіресе АҚШ президенті Дональд Трамптың мәлімдемесінен кейін, қызу пікірталас тудырды. Америка көшбасшысы жағдайды қайта қарау туралы ФИФА президенті Джанни Инфантиноға жеке өзі өтініш жасағанын мойындады. Алайда Инфантино тәртіптік шешім қабылдауға қатысқанын жоққа шығарды.
ФИФА кеңесі автоматты түрде тағайындалатын бір матчтық дисквалификацияларды жою мүмкіндігін шектеуге бағытталған бастаманы қарамақ. Өзгерістер болашақ халықаралық турнирлерде осындай жағдайлардың қайталануына жол бермейді деп күтілуде.
Соңғы шешім әзірге қабылданған жоқ.
