Дана Уайт Рахмоновтың оралуы туралы айтты: қазақстандықтың ықтимал қарсыласы аталды
UFC президенті Дана Уайт қазақстандық файтер Шавкат Рахмоновтың октагонға ықтимал оралуы туралы пікір білдірді, деп хабарлайды Sports24.kz.
ММА-дағы ең ірі промоушен басшысына Рахмоновтың эквадорлық Майкл Моралеске қарсы ықтимал жекпе-жегі туралы сұрақ қойылды.
Уайт мұндай жекпе-жектің 2027 жылы ұйымдастырылуы мүмкін екенін жоққа шығармады, алайда әзірге нақты келісімдер жоқ. Оның айтуынша, UFC бірнеше ірі анонс дайындап жатыр, олар келер жылдың басында жариялануы мүмкін.
Ал бұл уақытта қазақстандық файтердің жаттықтырушысы Эдуард Базров Рахмоновтың таудағы оқу-жаттығу жиынында дайындықты жалғастырып жатқанын айтты.
Маман Моралеске қарсы жекпе-жек өткізу мүмкіндігін оң бағалап, эквадорлықтың физикалық қуаты мен соққы техникасының жоғары деңгейі оны аса қауіпті қарсылас ететінін атап өтті. Сонымен қатар бапкер Моралесті ықтимал жеңудің өзі Шавкатқа Ислам Махачевпен чемпиондық жекпе-жек өткізуге кепілдік бермейтінін айтты.
Оқиғалар қолайлы өрбіген жағдайда, Рахмоновтың октагонға 2027 жылдың ақпанында немесе наурыз айының басында оралуы күтіледі.
