Топ-форвардтың «Барселонаға» ауысуы туралы қауесеттерге нүкте қойылды
Виктор Осимхеннің «Барселонаға» ықтимал ауысуына қатысты сұраққа нүкте қойылды, деп хабарлайды Sports24.kz.
«Галатасарайдың» шабуылшысын «Барселонаға» ұсынған болатын, алайда каталондық клуб жақын арада оны құрамына қосуды жоспарламайды. Бұл туралы спорт журналисі Карлос Монфорт мәлімдеді.
Осимхен Каталонияда ойнамайды
Дереккөздің айтуынша, нигериялық форвардтың өкілдері Испания чемпиондарының басшылығымен байланысқа шыққан, өйткені ойыншы өзінің мансабын Еуропаның жетекші лигаларының бірінде жалғастырғысы келеді. Алайда «Барселона» әзірге шабуылды күшейтудің басқа нұсқаларына назар аударып отыр.
«Барселонаға» Хулиан Альварес керек
Каталондықтардың басты трансферлік мақсаты – «Атлетико Мадридтің» шабуылшысы Хулиан Альварес. «Кольчонерос» аргентиналық футболшымен қоштасқысы келмесе де, «блауграна» басшылығы Мадрид клубының ұстанымы алдағы апталарда өзгеруі мүмкін деп үміттенеді.
Transfermarkt деректеріне сүйенсек, 27 жастағы Осимхеннің нарықтық құны 75 миллион еуроға бағаланып отыр. Оны түрік клубымен қазіргі келісімшарты 2029 жылдың жазына дейін жарамды.
Бұған дейін «Барселонадағы» Фликтің күтпеген мұрагері белгілі болған еді.
