Суперкомпьютер Қазақстанның Еуро-2028 жолдамасын алу мүмкіндігін бағалады
Алдағы Ұлттар лигасы 2028 жылғы Еуропа чемпионатына іріктеуге әсер етеді. Әңгіме тек себеттерді қалыптастыру туралы емес, сонымен қатар плей-офф матчтарында кімдердің ойнайтыны жайында. Сондықтан сарапшылар оның аясында іріктеу кезеңіне қатысты болжам жасап үлгерді, ал Қазақстанға қатысты қорытынды көңіл көншітпейді, деп хабарлайды Sports24.kz.
Football Meets Data жасаған болжамдардың біріне сәйкес, Қазақстан құрамасы Франция, Польша және Черногориямен бірге төрт командадан тұратын топқа түседі. Бұған Джон ван’т Скиптің шәкірттері В лигасына қатысу үшін плей-оффта ойнайды деген болжамдардың басым болуы себеп. Бұл наурыз айында ұлттық құрамалар матчтарын өткізу үшін бос терезе қажет екенін білдіреді.
Олай болса, мұндай жағдайда Қазақстан Еуро-2028 іріктеуін қыркүйектің соңында ғана бастайды және маусым айында жолдастық матчтар өткізуге мүмкіндік алады. Алайда бұл сценарийде Қазақстан құрамасы іріктеу кезеңін қараша айында аяқтайды.
Х әлеуметтік желісінің DbAbsur атты пайдаланушысының есептеулеріне сәйкес, Қазақстан топтың алғашқы екі орнына ие бола алмайды: Франция мен Польша одан озып шығады. Сондай-ақ Ұлттар лигасы арқылы плей-оффқа да жолдама ала алмайды. Бұл жолдаманы топ жеңімпазы ретінде Словакия иеленеді.
