«Соңына дейін күресеміз». Бабаян «Астана» мен «Қайрат» матчы алдындағы команданың көңіл-күйі туралы айтты
Астана командасының бас бапкерінің пікірі
Футбол
Аружан Темірбек
Редактор
«Соңына дейін күресеміз». Бабаян «Астана» мен «Қайрат» матчы алдындағы команданың көңіл-күйі туралы айтты
«Астана» клубының бас бапкері Григорий Бабаян 26 қазанда өтетін маусымның шешуші ойынында «Қайратқа» қарсы кездесуден не күтетінін айтып өтті. Бұл матч Қазақстан чемпионын анықтайды.
«Алматыдағы көңіл-күй өте жақсы. Келесі ойын бәрін шешеді – екінші орын ешкімге қызық емес. Біз де, «Қайрат» та соңына дейін күресеміз. Қарсыластың өз алаңында ойнау артықшылығы бар, бірақ біз былтыр да сол жерде ойнағанбыз, сондықтан бізге де ыңғайлы болады», – деді Бабаян.
Еске салайық, шешуші тур алдында «Қайрат» 58 ұпаймен көш бастап тұр, ал «Астана» 56 ұпаймен екінші орында. Чемпиондық тағдыр Алматыдағы «Орталық стадионда» өтетін бетпе-бет кездесуде шешіледі.
