«Астана» — «Ақтөбе» матчының даулы сәттеріне талдау: ҚФФ төрешілер шешімдерінің егжей-тегжейін ашты
ҚФФ төрешілік және инспекциялау департаментінің директоры Нуну Алешандре Паррейра де Каштру Премьер-лиганың 25-турындағы «Астана» мен «Ақтөбе» арасындағы кездесудің даулы сәттеріне ресми талдау жасады.
Толық түсіндірмелер Kff.kz сайтында жарияланды.
Негізгі эпизодтарға талдау:
6-минут
«Астананың» шабуылында №23-нөмірлі шабуылшы мен «Ақтөбенің» дәл сондай нөмірлі қорғаушысы бір мезетте допқа таласты. Қорғаушы бірінші болып баспен қақпаға қарай допты жіберген соң, ойыншылар арасында жеңіл жанасу болды. Оңтайлы позицияда тұрған төреші ойынды жалғастыруға шешім қабылдады, бұл кейін дұрыс шешім деп танылды. VAR араласқан жоқ.
16-минут
Ойын тоқтатылғаннан кейін алаң иелерінің №18 ойыншысы қарсыласын, №7-нөмірлі футболшыны, қолымен арқасынан итеріп, басын сәл ғана жанап өтті. Контакт дөрекі сипатта болмағандықтан, төреші ескерту берумен шектелді. Шешім — спорттық емес мінез-құлық үшін сары қағаз, VAR қолданылмады.
45+1-минут
«Ақтөбе» айып алаңында №5 қорғаушы шабуылшы №9-ды жейдесінен тартып, допқа ойнауына кедергі келтірді. Эпизодтың қасында тұрған төреші бірден пенальти белгіледі және ереже бұзушыға сары қағаз көрсетті. VAR шешімнің дұрыстығын растады.
Еске салайық, кездесу нәтижелі «Астана» жеңісімен 5:3 есебімен аяқталды. Осы турдан кейін астаналық ұжым турнир кестесінде 56 ұпайымен екінші орынға көтерілді, чемпионат көшбасшысы — «Қайраттан» (58 ұпай) бар болғаны екі ұпайға қалыс қалды.
Алтын медальдар үшін шешуші 26-тур болады: 26 қазанда Алматыда «Қайрат» өз алаңында «Астананы» қабылдайды. Бұл матч – негізінен, КПЛ-2025 чемпионын анықтайтын ойын болмақ.
