Роналду Мессиге әкесінен айырылуына байланысты жылы көңіл айтты
Португалиялық шабуылшы Криштиану Роналду Лионель Мессиге әкесінен айырылуына байланысты көңіл айтты, деп хабарлайды Sports24.kz.
Бұған дейін аргентиналық жұлдыз әкесіне арнап жүрекжарды хат жариялаған еді, ал осы жазба астында Instagram әлеуметтік желісінде спорт әлемінің көптеген өкілдері өздерінің көңіл айтуын қалдырды. Солардың арасында Дэвид Бекхэм да бар: «Біз әрдайым сенің және отбасыңның жанындамыз, Лео».
Сондай-ақ, өз көңіл айтуын Роналду да білдірді:
«Бұл қиын сәтте сені және жақындарыңды құшақтаймын, Лео. Мықты бол», — деп жазды Роналду.
Еске салсақ, жүрек тебірентерлік хатында Месси өзіне ерекше ықпал еткен адамға соңғы құрметін білдірді:
«Әке, сенің енді жоқ екеніңе әлі де сене алмаймын. Мен мұны түсінбеймін немесе, дәлірек айтсам, түсінгім келмейді. Енді сені ешқашан көрмеймін, сөйлеспейміз деп елестету маған өте қиын. Сенің ауырғаныңды білемін және осылай болғаны дұрыс шығар, бірақ сен бізден тым ерте кеттің. Біз әлі бірге талай нәрсе көруіміз керек еді».
Хорхе Месси 7 тамыз күні кешке Аргентинаның Росарио қаласындағы ауруханалардың бірінде 68 жасында қайтыс болды.
