Родри «Реалға» ауысудан бас тартып, «Барселонаны» таңдады: не болып жатыр
«Манчестер Сити» жартылай қорғаушысы Родри Мадридтің «Реалына» ауысуға бір табан жақын болған еді, алайда ақырында келісімнен бас тартып, мансабын «Барселонада» жалғастыруға шешім қабылдады, деп хабарлайды Sports24.kz.
Бұл туралы футболшының агенті Пабло Баркеро айтты.
Испаниялық журналист Серхио Валентиннің мәліметінше, «Реал» трансфер шарттарын әрі ойыншының, әрі «Манчестер Ситидің» өзімен дерлік толықтай келіскен болатын. Алайда мадридтік клубтың бас скауты Хуни Калафат араласқаннан кейін жағдай өзгерді. Ол басшылыққа келісім құнын төмендетуге тырысуды ұсынды, бұл келіссөздердің уақытша тоқтауына себеп болды.
Нәтижесінде трансфер жүзеге аспай қалды, ал команданың бас бапкері Жозе Моуринью бұл оқиғаға қатты қапаланғаны айтылды.
Көп ұзамай испаниялық жартылай қорғаушы үшін «Барселона» белсенді тартысқа араласып, Родри каталондық клубтың пайдасына таңдау жасады.
Футболшының агенті Пабло Баркеро Родридің «Реал» басшылығына өз шешімін жеке өзі жеткізгенін растады.
«Өзінің ең жақсы қырын көрсеткен «Реалға» деген құрмет ретінде Родри клубқа шешімін жеке өзі айтты. Соңғы сағаттарда ол «Барселона» мансабын жалғастыру үшін ең дұрыс нұсқа деп санайтынын растады», – деді Баркеро.
Осылайша, «Реалмен» келіссөздер өте жоғары деңгейде жүргеніне қарамастан, испаниялық жартылай қорғаушы мадридтік клубтың басты қарсыласына ауысуды жөн көрді.
