Покатиловпен бірге «Сабах» Чемпиондар лигасында «Боруссияға» лайықты қарсылық көрсетті, бірақ сенсация жасай алмады
20 қазанда Әзербайжанның «Сабах» командасы Бакуде УЕФА Чемпиондар лигасының жалпы кезеңі 3-туры аясында Дортмундтың «Боруссиясын» қабылдады, деп хабарлайды Sports24.kz.
Қазақстан және Әзербайжан құрамаларының қақпашысы Стас Покатилов Бакудегі матчты алғашқы минуттардан бастады.
«Сабах» Покатиловпен бірге Дортмундтан келген атақты қонақтарға лайықты қарсылық көрсетті, алайда өз алаңында ұпай жинай алмай, 1:2 есебімен жеңіліп қалды.
«Аралар» 10-минутта Серу Гирассидің голы арқылы есеп ашты. Бірінші таймның соңында Эйден Маккарти таразы басын теңестіріп, командалар үзіліске тең есеппен кетті.
Алайда екінші таймның басында Гирасси дубль жасап, Германиядан келген қонақтарды екінші рет алға шығарды. Гвинеялық шабуылшының бұл голы «сары-қаралар» үшін жеңісті болды.
Осылайша, жалпы кезеңнің үш турында «Сабахтың» еншісінде үш ұпай бар және ол турнир кестесінде 24-орында тұр. Ал «Боруссияның» алты ұпайы және 10-орны бар.
УЕФА Чемпиондар лигасы
Жалпы кезең, 3-тур
«Сабах» - «Боруссия Дортмунд» 1:2
Голдар: Маккарти, 39 - Гирасси, 10, 53
