ҚПЛ-да 2026 жылы трибуналарды кім толтырды?
2026 жылғы ҚПЛ маусымында шымкенттік «Ордабасының» өз алаңындағы және сырт алаңдағы матчтарын 350 922 көрермен тамашалады. Команда чемпионаттағы жалпы көрермен саны бойынша көш бастады, деп хабарлайды Sports24.kz.
Жаңа чемпионның бір ойынына орта есеппен 11 697 көрермен келді. Жалпы көрермен саны бойынша екінші орын алматылық «Қайратқа» бұйырды — 335 650 адам немесе бір матчқа орта есеппен 11 188 көрермен.
Үздік бестікке сондай-ақ мына командалар енді:
- «Астана» — 264 117 көрермен (орта есеппен 8 804);
- «Ақтөбе» — 262 739 (8 758);
- «Қайсар» — 212 456 (7 082).
Көрерменді ең аз жинаған команда — ақтаулық «Каспий»: 87 171 адам. Команда матчтарына орта есеппен 2 906 көрермен келген.
Жалпы көрермен саны бойынша бірінші орын алғанына қарамастан, «Ордабасы» сырт алаңдағы матчтарға жиналған жанкүйерлер саны бойынша көш бастаған жоқ. Бұл көрсеткіште шымкенттік команда «Қайрат» пен «Ақтөбеден» кейін қалды.
Еске салайық, «Ордабасы» маусымды Қазақстан чемпионы мәртебесінде аяқтады. Күміс медаль «Қайратқа», ал қола жүлде «Астанаға» бұйырды.
