«Оқжетпес» командасының қысқы оқу-жаттығу жиындары туралы ақпарат жариялады
Көкшетаулық ұжым Түркияда екі аптаға жуық уақыт өткізеді
ФОТО: ФК Окжетпес
КПЛ-дің кейбір клубтары шетелдік жиындарын бастап кетті, ал кейбіреулері жылы аймақтарға кейінірек аттанады. Солардың қатарында «Оқжетпес» те бар.
Көкшетау клубының баспасөз қызметінің хабарлауынша, команда 14 ақпанда шетелдік оқу-жаттығу жиынына шығып, жиын Түркияның Анталия қаласында өтеді. Команда Түркияда 26 ақпанға дейін болады. Әзірге «Оқжетпестің» түрік жиынындағы қарсыластары кім болатыны белгісіз.
Сондай-ақ, жиынға нақты кімдер баратыны да беймәлім, себебі оқу-жаттығу жиынының алдында Көкшетауда бірден он бес футболшымен қоштасқанын хабарлаған болатын.
