«Мен басқаша әрекет ете алмадым». Идрис Умаев Глейзермен болған жанжал үшін кешірім сұрады
«Ақтөбенің» шабуылшысы Идрис Умаев «Қайратпен» (1:2) ойыннан кейін жасаған әрекеті үшін кешірім сұрады, деп хабарлады клубтың баспасөз қызметі.
Ойыншы алматылықтардың футболшысы Дан Глейзермен төбелескені үшін матчтан кейін қызыл қағаз алды. Бұған дейін Умаев әлеуметтік желідегі парақшасында бұл эпизодқа қатысты пікір білдірген болатын.
«Ассалаумағалейкум, футбол жанкүйерлері және «қызыл-ақ» отбасы. Болған жағдай үшін кешірім сұраймын. Ұсқынсыз әрекет жасағанымды түсінемін. Бірақ отбасыма келгенде, басқаша әрекет ете алмадым. Және бұл жағдайда мені қолдағандардың барлығына алғыс айтамын. Мен мұны шынымен бағалаймын және барлығынан тағы да кешірім сұраймын», - деді футболшы.
Матчтағы жанжал тек ойыншылар арасында болған жоқ – ойыннан кейін «қызыл-ақтардың» баспасөз қызметі ресми мәлімдеме жасап, онда «Қайрат» ойыншыларының келеңсіз әрекеттеріне тоқталды.
