Мароккодағы Африка ұлттары кубогы 2025 қайдан көрсетіледі
21-нен 22 желтоқсанға қараған түні Мароккода Африка ұлттары кубогы (AFCON) 2025 басталады.
Ұзақ айларға созылған күтуден кейін 24 команда, алты қабылдаушы қала, тоғыз стадион және футболға құмар ел Африканың ең ауқымды футбол турнирін қабылдауға тас-түйін дайын.
Турнирдің барлық матчтары Sport Plus Qazaqstan телеарнасында тікелей эфирде көрсетіледі.
- Матчтардың ең қызықты сәттері Telegram Sports24.kz арнасында тікелей эфирде қолжетімді!
Төрт аптаға созылатын турнир 2030 жылғы Әлем чемпионаты алдындағы бас репетиция ретінде қарастырылады, ол кезде Марокко басты қожайындардың бірі болмақ. Патшалық қазірдің өзінде Африка спортындағы ең ауқымды инфрақұрылымдық жобалардың бірін бастап кетті.
Қазіргі чемпион Кот-д’Ивуар өткен маусымда титулды оңайлықпен ала қоймаған еді, ал Нигерия финалда жеңіліп, енді қарымта қайтаруға бел буып отыр. Сенегалдық Садио Манэ 2021 жылғы жеңісінен кейін тағы да турнирге жол тартса, Мысыр құрамасы Мохамед Салахтың болашағына қатысты алып-қашпа әңгімелер командаға кедергі келтірмей, сегізінші құрлықтық тәжге қол жеткіземіз деп үміттенеді.