«Мансабын көміп тастады»: украиналық жанкүйерлер Гуцуляктің «Ордабасыға» ауысуын сынға алды
Украиналық жартылай қорғаушы Алексей Гуцуляктің шымкенттік «Ордабасыға» ауысуы оның отанындағы жанкүйерлердің наразылығын тудырды, деп хабарлайды Sports24.kz.
Украиналық жанкүйерлер футболшының мансабын Қазақстан Премьер-лигасында жалғастыру туралы шешімін сынға алды. Әлеуметтік желілерде көпшілік бұған дейін Украина құрамасында өнер көрсетіп, жергілікті чемпионаттың көзге түскен ойыншыларының бірі саналған Гуцуляктің таңдауына таңданысын білдірді.
«Түпке жетудің жолы туралы хикая», - деп жазды қолданушылардың бірі.
Басқа жанкүйерлер «Ордабасыға» ауысу жартылай қорғаушының ұлттық құрамадағы болашағына кері әсер етуі мүмкін деп санайды.
«Мансабын көміп тастады, енді құрамаға үміт артпасын», «Ұлттық құрамадағы мансабыңның аяқталуымен құттықтаймыз», - делінген пікірлерде.
Кейбір жанкүйерлер Қазақстан чемпионатының деңгейіне де назар аударып, оны Украина Премьер-лигасымен салыстырды.
«Артта қалған чемпионатқа ауысты, УПЛ-ден бірнеше есе әлсіз», «Үздік бестік туралы айтып еді, ақырында біздің «Полесьеден» әлсіз клубқа ауысты», - деп ашынды қолданушылар.
Жекелеген жанкүйерлер футболшының жаңа клубы орналасқан жерге әзілмен пікір білдірді.
«Ол үздік бестік лигаға ауысты, бірақ Азиядағысына», - деп жазды пікір қалдырушылардың бірі.
Еске салайық, Гуцуляк бұған дейін «Полесье», «Днепр-1», «Десна» және «Карпаты» клубтарында өнер көрсетті. Енді украиналық футболшы мансабын шымкенттік клуб сапында жалғастырады.
