Керемет аяқталу. Еуропа лигасының ширек финалында «Лион» мен «Манчестер Юнайтед» шоу көрсетті
Сәуірдің 10-нан 11-іне қараған түні Еуропа лигасының бірінші ширек финалдық ойыны «Лион» мен «Манчестер Юнайтед» арасында өтті.
Ойын француздардың «Парк Олимпик Лион» командасының өз алаңында өтті. Матчты швед төрешісі Гленн Нюберг басқарды.
- Матчтың барлық ең қызықты сәттерін Sports24.kz Telegram-арнасында live режимде көруге болады!
Ойынның есебі 25-минутта Андре Онананың өрескел қателігінен кейін ашылды. Манкуниандықтар бірінші тайм аяқталмай жатып есепті теңестіре алды. Қосымша уақытта Лени Йоро есепті теңестірді. Ойынның соңына қарай командалар өзара голдармен алмасты. Ойынның аяқталуына екі минут қалғанда Зиркзее қарсыластар қақпасына гол соққанымен, қосылған уақыттың бесінші минутында Райан Шерки тең есепті жұлып әкетті.
Осылайша, «Лион» мен «Манчестер Юнайтед» турнирдің ширек финалындағы алғашқы ойында жеңімпазды анықтай алмады. «Олд Траффордтағы» қарымта ойын сәуірдің 17-нен 18-іне қараған түні өтеді.
Еуропа лигасы. 1/4 финал. 11 сәуір
«Лион» (Франция) - «Манчестер Юнайтед» (Англия) - 2:2
Голдар: Альмада, 26, Шерки, 90+5 - Йоро, 45+5, Зиркзее, 88.
«Лион»: Перри - Тальяфико, Ниахате, Клинтон, Мэйтленд-Найлс - Верету, Акуоку (Ляказетт, 51), Толиссо - Альмада, Микаутадзе, Шерки.
«Манчестер Юнайтед»: Онана - Йоро, Магуайр (Линделеф, 83), Мазрауи - Доргу, Угарте (Маунт, 72), Каземиро, Далот - Гарначо (Майну, 83), Хойлунд (Зиркзее, 63), Фернандеш.
Ескертулер: Тальяфико, 79 - Далот, 31, Угарте, 53, Маунт, 79, Мауну, 90+5.
