Ислам Чесноков жарақатынан кейін алаңға оралды
Қазақстан құрамасының жартылай қорғаушысы Ислам Чесноков Ресей Премьер-лигасының жетінші турында «Краснодарға» қарсы матчта «Крылья Советов» командасының негізгі құрамында алаңға шықты, деп хабарлайды Sports24.kz.
Бұл оның ресейлік команда сапындағы үшінші матчы және жақында алған жарақатынан кейінгі алғашқы кездесуі болмақ. Қазақстан құрамасының жартылай қорғаушысы өткен демалыста Ресей Премьер-лигасының алтыншы турында «Крылья Советов» пен «Ахмат» арасындағы матчта жарақат алған еді.
Қазақстандық футболшы «Ахматқа» қарсы ойынды қосалқы құрамда бастап, үзілістен кейін бірден алаңға шықты. 76-минутта футболшы жайсыздық сезініп, жаттықтырушылар штабына кездесуді жалғастыра алмайтынын білдірді. Алаңнан кетіп бара жатқанда Чесноковтың ақсандағаны анық байқалды.
«Крылья Советов» – «Краснодар» арасындағы Самарадағы матчтың басталу ысқырығы Астана уақытымен 16:00-де соғылды.
Еске салайық, Чесноков тамыз айында Қостанайдың «Тобыл» клубынан ауысып, самаралық команданың ойыншысы атанды. Бұл Исламның биылғы үшінші клубы. Ол бұған дейін Қостанайдың «Тобылы» мен шотландиялық «Хартс» сапында өнер көрсетті. Эдинбург клубымен бірге Ислам Шотландия чемпионатының күміс жүлдегері атанды.
