Гвардиола Холандпен не туралы сөйлескенін ашып айтты: «Жүзінші гол жақын – оған тек сергіп алу керек»
«Манчестер Сити» командасының бас бапкері Хосеп Гвардиола АПЛ-дың 13-турында «Лидске» қарсы өткен ауыр матчтан кейін Эрлинг Холандпен болған эмоциялық әңгімесінің жай-жапсарын айтып берді. Ойын 3:2 есебімен қала тұрғындарының жеңісімен аяқталды.
Гол соғылмағанына қарамастан, норвегиялық шабуылшы мерейлі белеске бір қадам ғана жақын – оның Англия Премьер-лигасындағы голдарының саны 99-ға жетті.
Гвардиоланың айтуынша, әңгіменің мазмұны сынға еш қатысы болмаған.
«Ол міндетті түрде жасайды – келесі ойында-ақ өзінің жүзінші голын соғады. Біз тек демалыстың қажеттілігі жайлы әңгімелестік. Оның денесіне қалпына келу үшін көбірек уақыт керек. Кейде жай ғана сергіп алу маңызды. Демалыс тек аяққа емес, басқа да керек. Эрлинг – Фил немесе Джереми секілді бірден формаға кіре кететін жігіттерден өзгеше. Ол ірі жігіт, әрі біз үшін ерекше маңызды», – деп келтіреді бапкердің сөзін Goal.
Биылғы маусымда Холанд барлық жарыстарда 22 матч өткізіп, 22 гол соғып, екі нәтижелі пас берген. Норвегиялық шабуылшы «Манчестер Сити» шабуылының басты қозғаушы күші болып қала беруде.
Сондай-ақ Пеп Гвардиола өзінің қартайып жатқанын айтты.
