Георгий Жуковтың «Ақтөбеде» қандай нөмірмен ойнайтыны белгілі болды
Қазақстандық өзіне 20 нөмірін таңдады
Футбол
Нұрбақыт Қадырбаев
Редактор
ФОТО: ФК Ақтөбе
«Ақтөбенің» жаңа жартылай қорғаушысы және Қазақстан ұлттық құрамасының ойыншысы Георгий Жуков жаңа клубында өз нөмірін таңдады.
Орталық стадионда 13-турдағы «Астанаға» қарсы ойынының (0:1) үзілісінде «қызыл-ақтардың» жанкүйерлеріне Жуков таныстырылды. Жанкүйерлер футболшыны қошеметпен қарсы алды. Бұл ретте Георгий өзінің футболкасын көрсетті – ол 20 нөмірмен ойнайды.
30 жастағы футболшы клубпен 20 маусымда келісімшартқа отырды. Жуковтың мансабындағы соңғы командасы польшалық «Пуща» болды, ол жыл басынан бері 11 матч өткізіп, бірде-бір гол соққан жоқ. Польша чемпионатының маусымында команда 36 ойында 28 ұпай жинап, соңғы орынға жайғасты.
