Фликке соққы: «Барселонаның» төрт ойыншысы Эль-Класиконы өткізіп алады
«Барселона» үшін маусымдағы ең маңызды матчтардың бірі қарсаңында Ханси Фликтің құрам таңдау мүмкіндіктері айтарлықтай қысқарды, деп хабарлайды Sports24.kz.
«Барселона» 25 қазанда Ла Лига аясында «Реалға» қарсы өтетін матчта Дани Ольмо, Эрик Гарсия, Жюль Кунде және Андреас Кристенсенге сенім арта алмайды.
Клубтың медициналық қызметі Ольмоның сол жақ аддуктор сіңірінен жарақат алғанын, Гарсияның оң жақ санында мәселе барын және Кристенсеннің сол жақ саны созылғанын растады. Ал Флик Кунденің тобығындағы мәселеге байланысты тәуекелге бармайтынын мәлімдеді.
Ольмоның жарақатты жуырда Чемпиондар лигасында «Пари Сен-Жерменге» қарсы өткен матч кезінде соқтығысу нәтижесінде алғанын атап өткен жөн. Тексеру оның сол жақ аддуктор сіңірінің зақымданғанын растады. «Барселона» жартылай қорғаушы шамамен бір ай бойы алаңға шыға алмайды деп болжап отыр.
Айта кетейік, «блауграна» Ла Лиганың оныншы турына ұлттық чемпионаттағы мінсіз көрсеткішпен келіп отыр: тоғыз матчта тоғыз жеңіс және 39 гол. Каталониялықтар турнир кестесіндегі бірінші орын сарапқа салынатын матчта «Реал Мадридті» «Камп Ноуда» қабылдайды.
