«Біз ұмытылмас тарих жасадық». Карло Анчелотти «Реалмен» қоштасу ойынынан кейінгі эмоцияларымен бөлісті
Мадридтік «Реалдың» бас бапкері Карло Анчелотти «Реал Сосьедадқа» қарсы ойыннан (2:0) кейін қоштасу сөзін сөйледі.
«Бүгін сөйлеу маған оңай болмайды деп ойлаймын. «Реал» Мадридтің бас бапкері болу мен үшін мәртебе және бақыт болды.
Мен құрметті президентім Флорентино Переске алғыс айтқым келеді. Бұл керемет әсер болды, мен бастан өткерген сәттер үшін рахмет айтқым келеді, сізбен бірге өмір сүру керемет рахат болды. Біз ұмытылмас тарих жасадық. Осы клубта өткізген әр күнімді ұмытпаймын.
Мен сөзімді Hala Madrid деген сөзбен аяқтаймын! Баршаңызды шын жүректен жақсы көремін!» – деді маман.
Анчелотти мадридтік клубқа 2021 жылдың 1 маусымында оралды. Испания астанасындағы екінші келген кезінде итальяндық екі рет Ла Лига чемпионы атанды, Испания Кубогын жеңіп алды және екі рет Чемпиондар лигасының жеңісіне қол жеткізді.
Анчелоттидің келесі жұмыс орны Бразилия құрамасы болмақ.
