Бірінші лигадағы матч – өткізілуі қауіпті. Команда сапарға ақша таба алмады
Жағдай – аса күрделі
Футбол
Жантөре Қайсаров
Редактор
ФОТО: fcturkistan в Instagram
24 қазан күні 2025 жылғы Бірінші лига маусымының соңғы матчтары өтеді. Алайда барлық команда алаңға шыға алмайды.
Telegram-арна AmanVIBE таратқан мәліметке сәйкес, «Түркістан» Бірінші лиганың 26-турындағы Қарағандының «Шахтеріне» қарсы матчқа бара алмайды. Бұған клубтың қаржылық қиындықтары себеп – командада сапарға қаражат жоқ.
Осылайша, «Шахтер» Премьер-лигаға шығу жолындағы маңызды үш ұпайға ие болады. Бірақ қарағандылықтардың ұпай айырмашылығы «Алтайдан» төмен, әрі оны енді жақсарта алмайтыны үшінші орынды тәуекелге салады. Қола медальға қол жеткізу үшін «Шахтерге» «Алтай» «Оңтүстік Академиясынан» ұтылуы қажет.
Бұған дейін «Каспий» Бірінші лиганы мерзімінен бұрын жеңіп, ал «Ертіс» та жоғарғы лигаға жолдама алып қойған болатын.
