Беларусь – Қазақстан матчінің тағдырын екі гол шешті
Қазақстан жастар құрамасы Беларусьтен ұтылды
Футбол
Данияр Қайратов
Редактор
ФОТО: KFF
Беларусь пен Қазақстан U-21 құрамалары арасындағы жолдастық кездесудің нәтижесін екі гол айқындады, деп хабарлайды Sports24.kz.
Бұл – екі команданың жоспарланған қос спаррингісінің алғашқысы еді, алайда Қазақстан жастар құрамасы бұл матчта сәтсіз өнер көрсетті. Ойын Беларусьтің Барановичи қаласында өтті.
Қазақстан қақпасына екі жауапсыз гол соғылды, әрі бұл голдар алғашқы 20 минутта-ақ тіркелді. Ойынның 2-минутында алаң иелерінің шабуылшысы Кирилл Цепенков есеп ашты, ал 18-минутта Тимофей Симаненка беларусьтер басымдығын екі еселеп, матчтың соңғы есебін белгіледі – 2:0.
Жастар құрамалары арасындағы екінші жолдастық кездесу 8 маусым күні Минскіде өтеді. Ойын Астана уақытымен 20:00-ге жоспарланған.