Бағыт ауысты: Андрей Ферапонтов Қазақстан жастар құрамасының (U-21) тізгінін алды
Андрей Ферапонтовты елдің жастар құрамасының (U-21) аға жаттықтырушысының уақытша міндетін атқарушы етіп тағайындалады , деп хабарлайды ASnews.kz.
49 жастағы маманның жетекшілігімен команда биылғы жылдың Еуропа-2027 чемпионаты іріктеу кезеңіндегі соңғы екі ойынын өткізеді: 14 қарашада қазақстандықтар сырт алаңда Словакиямен, ал 17 қарашада өз алаңында Молдоваға қарсы сынға түседі.
Ферапонтов осы маусымда «Оқжетпесті» басқарды, бұған дейін «Мақтаарал» клубымен де сәтті жұмыс істеген. Мансабында ол үш рет Қазақстан Бірінші лигасының чемпионы атанды — екі мәрте «Оқжетпеспен» (2014 және 2024 жылдары), бір рет «Іле-Сәулетпен» (2012 жылы).
Ферапонтовтың тағайындалуы жастар құрамасының алдыңғы бапкері Денис Мамоновтың қызметінен кетуімен байланысты. Мамонов қазан айындағы сәтсіз ойындардан кейін қызметтен кетті. Оның басқаруымен команда қатарынан төрт жеңіліске ұшырады: Евро-2027 іріктеуінде Англияға (0:2) және Андорраға (0:1) жол беріп, сондай-ақ Өзбекстан U-20 құрамасымен екі жолдастық кездесуде – 0:1 және 1:3 есебімен жеңілді.