Қазақстан жастар құрамасының қорғаушысы «Галатасараймен» келісімшартқа отырды
Қазақстан U-19 құрамасының қорғаушысы Джан Ходжаоглу түркиялық «Галатасараймен» келісімшартқа отырды, деп хабарлайды Sports24.kz.
ASnews.kz мәліметінше, 17 жастағы футболшы швейцариялық «Сьоннан» кеткеннен кейін «Галатасарай» U-19 командасында өнер көрсетеді. Сондай-ақ қазақстандық қорғаушы Ыстамбұл клубының УЕФА Жастар лигасындағы матчтарға арналған өтініміне енгізілді.
Ходжаоглуның соңғы клубы швейцариялық «Сьон» болды. Ол өткен жылдың қыркүйегінен бері клубтың U-17 командасында өнер көрсеткен. Сондай-ақ Ходжаоглу Қазақстанның әртүрлі жастағы жасөспірімдер құрамаларында ойнаған.
«Галатасарайдан» бөлек, қазақстандық талант Бельгия мен Германия клубтарымен де келіссөздер жүргізген.
Ходжаоглуның түрік тамыры бар. Осы жазда футболшы ұлттық құраманы таңдау кезінде өзінің этникалық отаны үшін өнер көрсету мүмкіндігі болғанына қарамастан, Қазақстан құрамасына басымдық беретінін мәлімдеді.
