Қазақстан Кюрасаоны жеңіп, 2026 жылғы әлем чемпионатының іріктеу кезеңіне дайындықты жалғастыруда
Футбол
Люба Рябинина
ФОТО: Instagram
19 наурызда Қазақстан құрамасы 2026 жылғы әлем чемпионатының іріктеу кезеңіне дайындық аясында Анталияда Кюрасао ұлттық құрамасымен жолдастық матч өткізді.
Қазақстан құрамасы сенімді жеңіске жетіп, 2:0 есебімен басым түсті. Ойындағы алғашқы голды 15-минутта Максим Самородов соғып, есеп ашты. Ал 36-минутта Асхат Тағыберген қарсылас қақпасына екінші голды соғып, командасының басымдығын арттырды.
Жолдастық матч. 19 наурыз
Қазақстан – Кюрасао – 2:0
Голдар: Самородов (15), Тағыберген (36)
Енді Қазақстан құрамасы 2026 іжылғы әлем чемпионатының іріктеу кезеңіне дайындықты жалғастырады. 22 наурызда команда Кардиффте Уэльспен, ал 26 наурызда Лихтенштейнмен кездеседі.