«Ақтөбе» Варшавада «Легиядан» ұтылды
11 шілдеге қараған түні Еуропа лигасының бірінші іріктеу кезеңіндегі алғашқы матч өтті. Онда Батыс Қазақстаннан келген «Ақтөбе» Варшавада жергілікті «Легиямен» кездесіп, 0:1 есебімен жеңіліп қалды.
Ойын алаң иелерінің басымдығымен басталды. Алайда «Ақтөбе» алғашқы қарымта шабуылын сәтті аяқтады. Георгий Жуков айып алаңына өтіп, өткір бұрыштан Оралхан Өміртаевқа дәл пас берді. Қақпашыға еш кедергісіз соққы жасаған Өміртаев есепті ашты. Ол бұл голын жол апатынан қаза тапқан «Ливерпуль» шабуылшысы Диогу Жотаға арнады, оны Playstation ойынын ойнағандай етіп атап өтті. Бірақ көп ұзамай гол қабылданбады - VAR командасы оны офсайд деп тапты.
25-минутта Бичахчян алыстан күшті соққы жасап, «Легияны» алға шығарды – 1:0. Бұл жолы офсайд та, голды жоққа шығаратын еш себеп те болған жоқ.
Кейін поляктар есепті еселеуге бірнеше мүмкіндік алды, бірақ «Ақтөбе» қорғаушылары соққы мен пас жолына дер кезінде тосқауыл қойып, қақпасын сақтап қалды.
«Ақтөбе» есепті теңестіруге бір мүмкіндік тапты. Қарсы шабуыл кезінде Швырев айып алаңында допты иемденіп, қақпадан биік теуіп жіберді. 35-минутта «Ақтөбе» ойыншысы Уче Агбо жарақат алған болуы мүмкін – ол алаңнан кетіп, орнына қазақстандық Данияр Үсенов шықты.
Алғашқы тайм 1:0 есебімен «Легияның» пайдасына аяқталды.
Екінші таймда ойын өрнегі айтарлықтай өзгерген жоқ: «Легия» шабуылдады, «Ақтөбе» қарымта шабуылмен жауап қайтарды. Бірақ есеп өзгермеді.
Қарымта кездесу 17 шілдеде өтеді.
Еуропа лигасы. 1-ші іріктеу кезеңі.
«Легия» (Грузия) — «Ақтөбе» (Қазақстан) — 1:0 (1:0)
Гол: Бичахчян, 25
