Астана АПОЭЛ-ге қарсы матч алдында Кипрдегі алғашқы жаттығуын өткізді
Футбол
Аружан Темірбек
Редактор
ФОТО: ФК Астана
“Астана” футболшылары Кипрге келгеннен кейін алғашқы жаттығуын өткізді. 20 желтоқсан күні команда Конференция лигасының топтық кезеңіндегі соңғы ойынын жергілікті АПОЭЛ-ге қарсы өткізеді.
“Кипрге келдік! Алғашқы жаттығуымызды өткіздік”, – деп хабарлады клуб әлеуметтік желілерде.
Бұл матч “Астана” үшін 2024 жылғы маусымдағы соңғы ойын болмақ. Плей-офф кезеңіне шығу үшін командаға жеңіс қажет, сондай-ақ басқа ойындарда да қолайлы нәтижелер болуы шарт. Клубтың басты мақсаты – турнирдің үздік 24 командасының қатарына ену.
