Қақпа бағаны «Қайсарды» құтқарды. КПЛ матчы голсыз аяқталды
Қызылордалық «Қайсар» мен Жезқазғанның «Ұлытау» командалары Қазақстан Премьер-лигасының 14-турындағы матчта жеңімпазды анықтай алмады, деп хабарлайды Sports24.kz.
«Қайсар Аренада» өткен кездесу шиеленісті өтті, алайда жанкүйерлер көптен күткен голды көре алмады. Екі команда да сақ ойнап, бір-бірінің қақпасына аса қауіпті сәттер көп жасай қойған жоқ.
Ең нақты мүмкіндік қонақтарда екінші таймда пайда болды. Жапондық жартылай қорғаушы Хироки Харада қақпаға қатты соққы жасап, қақпа бағанының беріктігін сынады, бірақ дәл осы бағана алаң иелерін голдан құтқарып қалды.
Осылайша кездесу 0:0 есебімен аяқталды.
Бұл нәтижеден кейін «Ұлытау» 23 ұпайға ие болып, Қазақстан чемпионатының турнирлік кестесінде төртінші орынға көтерілді. «Қайсар» 14 ұпаймен 12-орында қалды.
КПЛ-2026. 14-тур
«Қайсар» — «Ұлытау» — 0:0