«Қайрат» «Женисті» жеңіп, ҚПЛ кестесінде «Ордабасыдан» озды
Қазақстан Премьер-лигасының 21-туры аясындағы кейінге шегерілген матчта «Қайрат» «Женисті» жеңіп, чемпиондық жолындағы маңызды үш ұпайға қол жеткізді, деп хабарлайды Sports24.kz.
Рафаэль Уразбахтин шәкірттері әр таймда бір-бір голдан соқты. 20-минутта бразилиялық легионер Эдмилсон есеп ашса, екінші таймда Марк Гуаль есепті 2:0-ге жеткізді. Матчтың нүктесін дәл соққысымен Луиш Мата қойып, есепті ірі әрі түпкілікті — 3:0-ге жеткізді. Осылайша «Қайрат» жеңіске жетті.
- Сондай-ақ оқыңыз: УЕФА 2027/2028 маусымына клубтарға квоталарды бекітті: ҚПЛ еурокубоктарды қай жерден және қашан бастайды?
Елорда командасы өз шабуылдарымен жауап беруге тырысқанымен, олар нәтижелі болмады. Осылайша маңызды үш ұпай Алматыда қалды. Соның арқасында енді «Қайрат» «Ордабасыдан» екі ұпайға озып, турнир кестесінде жеке-дара көш бастады.
Футбол. ҚПЛ, 21-тур
«Қайрат» (Алматы) — «Женис» (Астана) — 3:0
Голдар: Эдмилсон, 20, Гуаль, 63, Мата, 86
25-турда «Қайрат» өз алаңында «Тобылды» қабылдайды, ал «Женис» өз алаңында «Қызылжармен» ойнайды. Алматылықтар үйдегі матчын 13 қыркүйекте өткізсе, елордалық команда бір күн бұрын алаңға шығады.
