«Қайрат» иесі Боранбаев «Алтын доп – 2026» рәсіміне қатысты
Қазақстандық бизнесмен Қайрат Боранбаев «Алтын доп – 2026» марапаттау рәсіміне келді, деп хабарлайды Sports24.kz.
«Спорт Шредингера» Telegram-арнасының хабарлауынша, қазақстандық функционер шараға «Манчестер Юнайтед» сапындағы өнерімен және ағылшын клубының жаттықтырушылар штабындағы жұмысымен танымал Майкл Кэррикпен бірге келген.
Боранбаевтың рәсімге келуі «Қайраттағы» соңғы оқиғалар аясында көпшіліктің назарын аударды. Бір күн бұрын алматылық клуб бас бапкер Рафаэль Уразбахтинмен қоштасатынын жариялаған еді.
Сонымен қатар қазақстандық клуб басшылығы мен Кэррик арасында қандай да бір келіссөздер жүргізілгені туралы ақпарат жоқ.
«Алтын доп – 2026» марапаттау рәсімі әлемдік футболдың жетекші өкілдерінің басын қосады. Кештің басты интригасы – жылдың үздік футболшысын анықтау.
