Адиев басқаратын «Химки» «Зенитпен» кездесуге екінші құрамды жіберуі мүмкін
Футбол
Нұрбақыт Қадырбаев
Редактор
ФОТО: ФК Химки
Магомед Адиев бастаған «Химкінің» қосалқы құрамы егер негізгі ойыншылар матчқа бойкот жарияласа, үш күнде екі матч өткізуі мүмкін, деп хабарлайды СЭ.
18 сәуірде «Химки-2» Тамбовтың «Спартагымен» ойнайды. Ал 20 сәуір күні команда РПЛ 25-ші турының матчында «Зенитке» қарсы ойынға баруы мүмкін.
«Химкиде» ойыншыларды қаржылық мәселелер алаңдатуда. Клуб ойыншылары бірнеше ай бойы жалақыларын ала алмайды.
Магомед Адиев жетекшілік еткен алғашқы жаттығуы да үзілді. Футболшылар жаттығуға бойкот жариялауды ұйғарып, алаңға шықпады. Оның орнына жаттығу залында он минутқа жетпейтін қысқа дайындықпен шектелген.
Бұған дейін РПЛ басшысы Александр Алаев клубтағы жағдай туралы өз ойын айтқан болатын.
