2025 жылғы «Алтын доп» иегері алаңға оралуға жақын

Усман Дембеле Тоттенхэмге қарсы ЧЛ матчында ПСЖ құрамында болады

Футбол 21 қара 2025 15:18

Данияр Қайратов

Редактор

2025 жылғы «Алтын доп» иегері Усман Дембеле жарақатынан кейін алаңға қайта оралуға жақын.

Дембеленің сәрсенбі, 26 қараша күні өтетін Чемпиондар лигасындағы «Тоттенхэмге» қарсы кездесуде ПСЖ құрамында болатындығы күтілуде.

Париждік клубтың өкілдері ойыншы жақын арада өтетін медициналық тексеруден соң-ақ, осы демалыста-ақ алаңға оралуы мүмкін деп санайды. Дегенмен, клуб басшылығы футболшының денсаулығына қауіп төндіруден аулақ болмақ.

Биылғы маусымда 28 жастағы шабуылшы клуб деңгейінде тоғыз матч өткізіп, үш гол соқты.

Бұған дейін «ПСЖ» мен «Марсель» Франция Суперкубогын Кувейтте өткізетіні хабарланған болатын.