«Сатпаевтің әкесі Дастан «Челсиде» орын үшін күресіп жатыр деп сенді» — Тимур Журавель
Ресейлік футбол комментаторы Тимур Журавель қазақстандық шабуылшы Дастан Сатпаевтың «Бернли» сапындағы ойынына баға берді, деп хабарлайды Sports24.kz.
Атап айтқанда, сарапшы Қазақстаннан кеткеннен кейін Дастан Сатпаевтың мансабын жалғастыруы үшін «Бернлиге» жалға ауысу жалғыз дұрыс шешім болғанын айтты. Себебі 18 жастағы шабуылшының «Челсиде» ойын уақыты үшін бәсекеде бірден жеңіске жету мүмкіндігі іс жүзінде болмаған.
«Жазда Атлантада Дастанның әкесімен таныстым. Кездейсоқ жолығып қалдық, ол Дастанның «Челсиде» орын үшін күресіп жатқанына сенімді болды. Мен оның бұл пікірінен айнытуға тырысқан жоқпын, өйткені «Челси» әзірге тым жоғары деңгей, ал дамудың бірнеше сатысын аттап кету мүмкін емес. Қазіргі «Челсиде» Дастан тек фрагменттік рөл атқара алар еді.
Иә, ол мықты футболшылармен бірге жаттығатын еді, бірақ шабуыл шебіндегі тікелей бәсекелестерінің бірін құрамнан ығыстыруға мүмкіндігі жоқ, тек Хаби Алонсо терең ротация жасайтын болса ғана. «Челси» еурокубоктарға қатыспайды, сондықтан «Бернлиге» жалға кету дұрыс шешім болды. Бұл — әзірге жұлдызды ойыншылармен бәсекелесе алмайтын, бірақ ойнағысы келетін өсіп келе жатқан футболшы үшін классикалық шешім», — деді Тимур Журавель.
Еске салайық, Дастан Сатпаев Чемпионшиптегі «Мидлсброға» қарсы матчта жоғары тиімділік көрсетіп, командасының ең көзге түскен ойыншыларының біріне айналды. Өкінішке қарай, футболшы жарақат алып, соның салдарынан клубтың алдағы бірнеше матчына қатыса алмайды. Дастан Сатпаевтың өзі де біртіндеп британдық жанкүйерлердің мойындауына ие болып келеді.
Біздің YouTube арнамызда журналистеріміздің арнайы «Бернлиге» барып, Қазақстан құрамасының шабуылшысымен кездескен ауқымды шығарылымы жарық көрді.
