«Алты финал» — Александр Мрынский ҚПЛ-дағы «Ордабасыға» қарсы чемпиондық жарыс туралы
«Қайрат» қорғаушысы Александр Мрынский елордалық «Жеңіске» қарсы жеңісті матчтан кейін Sports24.kz сайтына берген эксклюзивті пікірінде командасының жеңіс сериясының себебін айтып, ҚПЛ-дағы чемпиондық жарыстың қалай аяқталуы мүмкін екеніне қатысты өз болжамымен бөлісті.
«Қазір барлық матчқа тиісті деңгейде дайындалу керек. Алты финал қалды деуге болады. Неге дәл қазір жеңіс сериясына шықтық, ал бұған дейін сәтсіздіктер болды? Меніңше, ол кезде кестеміз де біршама қиын болды. Оған қоса, қазір бәрі ұпай жоғалтуға болмайтынын, тіпті тең ойнауға да болмайтынын түсінеді. Қазір, бәлкім, бәрі басқаша дайындалады», — деді Мрынский.
Қалған матчтардың қайсысын ең қиын деп санайтыны туралы сұраққа Мрынский барлық ойынның бірдей қиын екенін күткендей атап өтті. Дегенмен ол нақты бір кездесуді ерекше бөліп көрсетті.
«Меніңше, сырт алаңда «Ақтөбеге» қарсы матч. Бәлкім, ол жерде қиын болады», — деді қорғаушы.
Еске салайық, Қазақстан Премьер-лигасының 21-турынан кейінге шегерілген матчында алматылық «Қайрат» өз алаңында астаналық «Жеңісті» қабылдап, 3:0 есебімен жеңіске жетті. Осы жеңістен кейін алматылық команда 57 ұпай жинап, турнирлік кестеде бірінші орынға шықты. Шымкенттік «Ордабасыдан» екі ұпайға озып тұр.
«Қайраттың» ҚПЛ-дағы қалған матчтары: «Тобыл» (үйде), «Астана» (сырт алаңда), «Жетісу» (үйде), «Ертіс» (үйде), «Ақтөбе» (сырт алаңда), «Алтай» (үйде).
«Ордабасының» ҚПЛ-дағы қалған матчтары: «Астана» (үйде), «Атырау» (сырт алаңда), «Қайсар» (сырт алаңда), «Ақтөбе» (сырт алаңда), «Жеңіс» (үйде), «Ертіс» (сырт алаңда).
