Төрехан Сабырхан Азиада-2026 ойындарындағы алғашқы қарсыласын білді
Қазақстандық боксшы Төрехан Сабырхан XX жазғы Азия ойындарындағы алғашқы жекпе-жегін Катар өкілі Мұхаммед Дбичиге қарсы өткізеді, деп хабарлайды Sports24.kz.
Сабырхан 70 келіге дейінгі салмақ дәрежесінде өнер көрсетіп, турнирді екінші айналымнан бастайды. Оның қарсыласы Дбичи алдын ала кезеңдегі жекпе-жекте вьетнамдық Дук Нгок Нгуенді 5:0 есебімен жеңгеннен кейін анықталды.
Азиададағы бокс турнирі 21 қыркүйек пен 2 қазан аралығында өтеді. Ресми күнтізбеге сәйкес, 70 келіге дейінгі салмақтағы жарыстар 21 қыркүйекте басталды, ал осы санаттағы келесі алдын ала жекпе-жектер 24 және 28 қыркүйекте өтеді.
Төрехан Сабырхан Азиадада алты салмақ дәрежесінде ұсынылған Қазақстан ерлер құрамасының сапында өнер көрсетеді: 55, 60, 70, 80 және 90 келіге дейін, сондай-ақ 90 келіден жоғары. Әйелдер құрамасы бес салмақ дәрежесінде бақ сынайды.
Жалпы, Қазақстан Азиада-2026 бокс турнирінің барлық 11 салмақ дәрежесінде толық құраммен қатысады.
