Рыбакина WTA рейтингіндегі бірінші орнын сақтады, Бублик ATP топ-20-ынан шықты
Әйелдер теннисі қауымдастығы (WTA) мен Кәсіби теннисшілер қауымдастығы (ATP) әлемдік рейтингтерді жаңартты, деп хабарлайды Sports24.kz.
Елена Рыбакина WTA рейтингін әлі де бастап тұр. Қазақстандық теннисші US Open-2026 турнирінде жеңіске жетіп, чемпион атанғаннан кейін бірінші орнын сақтап қалды.
Үздік бестікте сондай-ақ Беларусь өкілі Арина Соболенко, америкалық Джессика Пегула, АҚШ өкілі Кори Гауфф және ресейлік Мирра Андреева бар.
Қазақстанның тағы бір өкілі Юлия Путинцева 78-орында қалды. Соня Жиенбаева 382-орыннан 384-орынға төмендеді.
ATP ерлер рейтингінде Александр Бублик төрт сатыға төмендеп, енді 21-орында тұр. Осылайша ол үздік 20 теннисшінің қатарынан шықты. Қазақстандық спортшының мансабындағы ең жоғары көрсеткіші — 2026 жылғы қаңтарда қол жеткізген оныншы орын.
ATP рейтингінің көшін италиялық Янник Синнер әлі де бастап тұр. Екінші орында германиялық Александр Зверев, үшінші сатыда испаниялық Карлос Алькарас орналасқан.
Қазақстандық Александр Шевченко 16 сатыға төмендеп, енді 109-орында тұр. Ал Тимофей Скатов бір орынға түсіп, 199-сатыға жайғасты.
