«Алға, Қазақстан»: Юлия Путинцева Қытайдағы ұлттық құраманы қолдауға шақырды
Қазақстандық теннисші Юлия Путинцева Шэньчжэньде Испанияға қарсы өтетін Қазақстан құрамасының матчтары алдында отандастарына үндеу жасады, деп хабарлайды Sports24.kz.
Спортшы команда Қытайда екенін айтып, қазақстандықтарды ұлттық құраманы қолдауға шақырды. Путинцеваның сөзінше, матч сәрсенбі күні сағат 17:00-де өтеді.
Юлия сонымен қатар команда сапында Қазақстан әйелдер теннис құрамасының капитаны Ярослава Шведованың бар екенін атап өтті.
«Сәлем, Қазақстан! Біз Шэньчжэньдеміз. Юля Путинцева, бәріміз осындамыз. Яра ана жерде жүр, физиотерапевт те сонда — бәрі орнында. Бізге міндетті түрде келіп, жанкүйер болыңыздар. Біз сәрсенбі күні кешкі сағат 5-те ойнаймыз. Қазір Қытайда жүрген немесе басқа жерде жүрген барша қазақ, жан-жақтан келіп, жанкүйер болып, ұлттық құрамамызды қолдайық. Алға, Қазақстан», — деді теннисші.
Билли Джин Кинг кубогі-2026 22 қыркүйекте Шэньчжэньде басталады, ал 23 қыркүйекте Қазақстан ширек финалда Испаниямен кездеседі.
Шэньчжэньде барлығы 8 құрама ширек финалда ойнайды: Италия, Қытай, Украина, Бельгия, Қазақстан, Испания, Чехия және Ұлыбритания.
Кездесу форматы: екі жекелей ойын, есеп 1:1 болған жағдайда — шешуші жұптық матч. Қазақстан — Испания жұбының жеңімпазы жартылай финалда Чехия — Ұлыбритания жұбының жеңімпазымен кездеседі. Бұл жұптың жеңімпазы 22 қыркүйекте, яғни ойын қарсаңында белгілі болады.
Испания — турнирдің бес дүркін чемпионы, ал Қазақстан әзірге өзінің алғашқы титулын жеңіп алған жоқ.
