Видео. Рыбакина Боуас Манейроны US Open турнирінде қалай жеңді
Қазақстанның әйелдер арасындағы жекелей сындағы бірінші ракеткасы Елена Рыбакина «Үлкен дулыға» санатындағы жылдың қорытынды турнирі – АҚШ ашық чемпионатының екінші айналымында жеңіске жетті.
Әлемдік рейтингте екінші орында тұрған спортшы екінші айналымда әлемнің 105-ракеткасы, испаниялық теннисші Джессика Боуас Манейромен кездесті.
Кездесу екі сетке ғана созылып, Рыбакинаның 6:2, 6:4 есебіндегі жеңісімен аяқталды.
Теннисшілер кортта 1 сағат 8 минут өткізді. Осы уақыт ішінде қазақстандық спортшы жеті эйс жасап, төрт рет қос қателікке жол берді және алты брейк-пойнттың төртеуін пайдаланды.
US Open турнирінің үшінші айналымында Елена әлемдік рейтингте 58-орында тұрған украиналық Юлия Стародубцевамен кездеседі.
Рыбакина әлемнің бірінші ракеткасы атана ма?
US Open қорытындысы бойынша Елена Рыбакинаның мансабында алғаш рет жекелей сында әлемдік рейтингтің бірінші орнына көтеріліп, Арина Соболенконы басып озуға мүмкіндігі бар.
Ол үшін қазақстандық теннисші турнирдің жартылай финалына шығуы қажет. Сондай-ақ Рыбакина Соболенко, америкалық Коко Гауфф және Джессика Пегула US Open турнирінде жеңіске жетпеген жағдайда да әлемнің бірінші ракеткасы атана алады.
Осылайша Рыбакина турнирде бірде-бір матч өткізбестен-ақ әлемдік рейтингті басқаруы мүмкін деген сценарий бар.
