Суда жүзуден бес дүркін әлем чемпионы Бубликке жанкүйер болғанын мойындады: Онымен суретке түсуді армандаймын!
Қысқа қашықтыққа жүзуден бес мәрте әлем чемпионы Мирон Лифинцев 2025 жылғы Франция ашық чемпионатында (Ролан Гаррос) кімге жанкүйер болғанын айтып берді.
«Матч ТВ» арнасына берген сұхбатында спортшы қазақстандық теннисші Александр Бубликке қолдау көрсеткенін жеткізді.
«Бастапқыда Даниил Медведевке жанкүйер болдым, бірақ ол жарыстан ерте шығып қалды. Грунт кез келген ойыншыға қолайлы емес. Кейін Бублик үшін жанкүйер бола бастадым. Оның айқын подачи, корттағы әрекеттері мен айтқан сөздері — бәрі маған ұнайды. Онымен бірге суретке түсуді армандаймын», - деді Лифинцев.
Қазіргі уақытта ATP рейтингісінде 45-орында тұрған Александр Бублик «Ролан Гаррос»–2025 турнирінде тамаша нәтиже көрсетті. Ол ширек финалға дейін жетіп, рейтингтің алғашқы ондығындағы екі мықтыны – австралиялық Алекс де Минаур мен британдық Джек Дрейперді жарыс жолынан шығарды.
Қазір Бублик Германияның Галле қаласында өтіп жатқан ATP-500 турниріне қатысуда. Екінші кезеңде ол Янник Синнер (Италия) мен Янник Ханфманн (Германия) арасындағы матчтың жеңімпазымен кездеседі.