Соня Жиенбаева Азиада-2026 ойындарындағы өнерін аяқтады
Қазақстандық теннисші Соня Жиенбаева Аичи мен Нагояда өтіп жатқан Азиада-2026 ойындарының жекелей сындағы екінші айналымында өнер көрсетті, деп хабарлайды Sports24.kz.
Соня Жиенбаева қытайлық Ван Сиюйден үш сетте — 1:6, 6:4, 1:6 есебімен жеңіліп, турнирдегі жолын аяқтады. Матч 1 сағат 46 минутқа созылды.
Жарыстың бірінші айналымында Жиенбаева Гонконг өкілі Адитхья Карунаратнені 6:1, 7:5 есебімен сенімді түрде жеңген еді.
Енді Азиаданың әйелдер арасындағы жекелей сында Қазақстан атынан тек Юлия Путинцева өнер көрсетіп жатыр. Ол ширек финалға шықты.
Ал ерлер арасындағы жекелей сында Александр Шевченко 1/16 финалда Непал өкілі Абхишек Бастолуды 6:2, 6:2 есебімен сенімді түрде жеңді. Ал Тимофей Скатов ирандық Касра Рахманиден үш сетте — 2:6, 6:3, 6:3 есебімен басым түсті.
XX жазғы Азия ойындары Жапонияда 19 қыркүйек пен 4 қазан аралығында өтуде. Жарысқа 45 елдің спортшылары қатысып, 460 медаль жиынтығы сарапқа салынып жатыр. Қазақстан құрамасы спорттың 35 түрінен 558 спортшымен сынға түсуде.
