«Сіздер жай ғана күлкілісіздер»: Арина Соболенко журналистің US Open турниріндегі сұрағына ашуланды
«Үлкен дулыға» турнирлерінің төрт дүркін чемпионы, әлемнің бірінші ракеткасы, беларусь теннисшісі Арина Соболенко US Open-2026 турнирінің үшінші айналымына шыққаннан кейінгі баспасөз мәслихатында журналистің сұрағына наразы болды, деп хабарлайды Sports24.kz.
— Турнир басталғаннан кейін көңіл-күйіңіз қандай? Өткен аптада кештер, көңіл көтеру және тағы сол сияқты шаралар көп болғаны анық...
— Сіздер жай ғана күлкілісіздер. Кештер дейсіздер. Көңіл көтеру. Мұны қайдан шығардыңыздар? Мұндай ой сіздердің бастарыңызға қалай келді? Бұл не деген сұрақ? Мен брендтермен ынтымақтастық туралы жазбалар жариялағаным үшін ғана мен сауық-сайран құрды деп шештіңіздер ме?
— Мен сіздің кештерге барғаныңызды айтып отырған жоқпын... Мен демеушілердің көптеген іс-шаралары және тағы басқа шаралар болғанын айтып отырмын. Сіздің кештерге барғаныңызды айтқан жоқпын.
— Сіз дәл соны айттыңыз.
— Кешіріңіз? Түсінбегендер үшін айтайын: мен Аринаның кештерде көңіл көтергенін меңзеп отырған жоқпын. Мен оның көпшілік алдына жиі шыққанын және атқаратын шаруасы көп болғанын айтып отырмын.
— Ммм. Жарайды.
— Енді турнир басталған соң өзіңізді байсалдырақ әрі күреске көбірек дайын сезініп жүрсіз бе?
— Иә, әрине. Оған дейін мен байсалды болмадым ғой. Келесі сұрақ. Бірдеңе айтпас бұрын ойланыңыздар, — деді Соболенко баспасөз мәслихатында.
Рыбакина мен Соболенко арасындағы бәсекелестік
US Open қорытындысы бойынша Елена Рыбакина мансабында алғаш рет әйелдер арасындағы жекелей сында әлемнің бірінші ракеткасы атанып, Арина Соболенконы басып озуы мүмкін.
Бұл үшін оған турнирдің жартылай финалына дейін жету қажет. Сондай-ақ қазақстандық теннисші Соболенко, америкалық Коко Гауфф және Джессика Пегула US Open турнирінде жеңіске жетпеген жағдайда әлемдік рейтингте бірінші орынға көтеріле алады.
Осылайша, Рыбакина турнирде бірде-бір матч өткізбестен-ақ әлемдік рейтингті басқаруы мүмкін деген сценарий бар.
