Синнердің бапкері Римдегі турнир алдындағы жағдайын бағалады
Әлемнің бірінші ракеткасы Янник Синнердің бапкері Симоне Ваньоцци шәкіртінің Римдегі «Мастерс» турниріне дайындығына қатысты пікір білдірді. Бұл турнир 7–18 мамыр аралығында өтеді, деп хабарлайды Tennis Italiano.
Ваньоццидің айтуынша, Синнер ұзақ үзілістен кейін енді ғана бабына еніп жатыр. Алғашқы бір айда мүлде жаттығу жасамаған, ал толыққанды ойын қарқынын тек соңғы күндері ғана қайта сезіне бастаған. Соңғы бес айда ол тек екі турнирге қатысқан, сондықтан Римге толық жарыс тәжірибесінсіз келеді.
Бапкер Синнерден бірден жарқын нәтиже күтудің қажеті жоқ екенін ескертті. Алғашқы матчтар ойын ырғағын табуға бағытталады. Әлемнің бірінші нөмірі болғанына қарамастан, бұл жолы жағдай ерекше. Оның үстіне, Римдегі турнир өтетін топырақ төсеніш Синнер үшін аса ыңғайлы емес — бұл бетте тұрақты ойын көрсету оған қиын соғады.
Еске салайық, Янник Синнер 2025 жылдың қаңтарынан бері ATP турнирлерінде өнер көрсеткен жоқ. Оған антидопинг ережесін бұзғаны үшін уақытша жарыстан шеттетілуі себеп болған.
Андрей Рублев Янник Синнердің турнирге қайта оралуы туралы пікір білдірді.