Рыбакина WTA қорытынды турниріне қатысатынын растады
Әлемнің бірінші ракеткасы Елена Рыбакина 2026 жылы Индиан-Уэллсте (АҚШ) өтетін WTA қорытынды турниріне қатысатынын растады, деп хабарлайды Sports24.kz.
Қазақстандық теннисші WTA-ның ресми парақшасында жарияланған бейнеүндеу жазды.
«Баршаңызға сәлем! WTA қорытынды турниріне жолдама алғаныма өте қуаныштымын. Индиан-Уэллсте біздің ойынымызды тамашалауға келіңіздер», – деді Рыбакина.
Рыбакинадан бөлек, бұған дейін WTA қорытынды турниріне беларусьтік Арина Соболенко, ресейлік Мирра Андреева және америкалықтар Джессика Пегула мен Кори Гауфф жолдама алған.
Өткен жылы WTA қорытынды турнирінің жеңімпазы Рыбакина атанды. Финалда ол Соболенконы 6:3, 7:6 (7:0) есебімен жеңді.
Индиан-Уэллстегі турнир 2026 жылғы 8-15 қараша аралығында өтеді.
Еске салайық, US Open-нен кейін Рыбакина Бейжіңдегі турнирде өнер көрсетіп, екінші айналымда күтпеген жерден Алина Чараевадан 6:3, 4:6, 3:6 есебімен жеңіліп қалды. Кейін қазақстандық теннисші табанындағы мәселеге байланысты Уханьдағы турнирден бас тартып, қалпына келу үшін үзіліс алды.
