Ойнамай-ақ ақша табады: Бублик Қорытынды турнирден қанша табыс табады?
Әлемдік теннис қауымдастығы тағы да Александр Бубликке назар аударып отыр. Бұл жолы себеп - ATP Қорытынды турнирінің жүлде қоры. Әлемдік рейтингте 11-орынды иеленген қазақстандық спортшы Туринде алғашқы резерв ойыншысы атанып, қомақты сыйақыны алдын ала қамтамасыз етті.
Алаңға мүлде шықпай-ақ, Бублик 155 000 доллар (81,3 млн теңге) көлеміндегі кепілді төлемді алады. Бұл - кез келген сәтте негізгі ойыншыны алмастыруға дайын тұратын резервистерге беріледі.
Алайда табыс көлемі бұдан да артуы мүмкін. Егер қатысушылардың бірі турнирден шығып қалса және Бублик кем дегенде бір матч өткізсе, оның жүлдесі тағы 165 500 доллар (86,8 млн теңге) көлемінде өседі. Ал екі матчқа қатысқан жағдайда табысы 248 250 доллар (130,3 млн теңгеге) дейін ұлғаяды.
Осылайша, қолайлы жағдай туындаса, Бублик топтық кезеңнен шықпаса да, 211,6 млн теңгеге дейін табыс табуы ықтимал.