Елена Рыбакина құлдырауға қарсы: қазақстандық теннисшілердің рейтингі қалай өзгерді?
Әйелдер теннис қауымдастығы (WTA) US Open-2025 турнирінен кейін жаңартылған рейтингті жариялады. Нью-Йорктегі жарыс чемпионды анықтап қана қоймай, әлемдік теннистегі жағдайға да елеулі әсер етті.
Әлемнің бірінші ракеткасы Арина Соболенко өз мәртебесін тағы да дәлелдеп, титулға қол жеткізді. Екінші орында – Ига Швентек, үздік үштікті АҚШ өкілі Кори Гауфф түйіндеді.
Қазақстандық теннистің көшбасшысы Елена Рыбакина үздік ондықтағы орнын сақтап қалды. US Open жарысында ол төртінші кезеңге дейін жеткенімен, чехиялық Маркета Вондроушоваға сенсациялық түрде жол берді. Соған қарамастан, Елена әлемдік рейтингте 10-орынды ұстап тұр.
Юлия Путинцева бес сатыға төмендеп, 60-орынға түсіп қалды.
Жұптық сында да өзгерістер байқалды. Анна Данилина үздік ондықтан шығып, қазір 12-сатыда. Путинцева 106-орынға сырғыса, Жібек Құланбаева керісінше екі саты көтеріліп, 128-орынға тұрақтады.