Бублик туған жеріне оралады: Алматыдағы сенсациялық ойын күтілуде
Қазақстандық теннистің көшбасшысы, әлемдік рейтингте 34-орында тұрған Александр Бублик биыл алғаш рет Алматыдағы ATP-250 санатындағы Almaty Open турниріне қатысатынын растады.
Жарыс 2025 жылдың 11–19 қазаны аралығында өтеді.
«Туған жерде өнер көрсету - үлкен мәртебе әрі зор жауапкершілік. Алматыдағы көрермендерді әдемі ойыныммен және жақсы нәтижемен қуантқым келеді. Жерлестерімнің қолдауы — мен үшін үлкен күш», - деді Бублик Қазақстан теннис федерациясының баспасөз қызметіне берген сұхбатында.
Бұл - Бубликтің Алматыда мұндай деңгейдегі алғашқы қатысуы болмақ. Оның активінде ATP турнирлеріндегі бес чемпиондық бар: Монпелье–2022, Галле–2023, Антверпен және Монпелье–2024, сондай-ақ 2025 жылы тағы да Галледе жеңіске жеткен. Енді ол туған қаласында жоғары өнер көрсетіп, жаңа жетістіктерге жетуді мақсат етіп отыр.
Сондай-ақ Бубликке «үлкен жеңістерге деген құлшыныс жоқ» деп сын айтылды.