«Бұл мен үшін бәрін білдірер еді»: Рыбакина US Open турниріндегі жеңістен кейінгі мансаптық мақсатын атады
Жаңадан әлемнің бірінші ракеткасы атанған Елена Рыбакина төрт «Үлкен дулыға» турнирінің бәрінде жеңіске жетуді көздейтінін мәлімдеді. Ол үшін теннистегі мансаптық «Үлкен дулығаға» Франция ашық чемпионатындағы жеңіс қана жетіспейді, деп хабарлайды Sports24.kz.
Рыбакинаның айтуынша, егер бұл мақсатына қол жеткізсе, ол үшін бұл таңғаларлық жетістік болар еді. Сондықтан теннисші осыған ұмтылмақ:
- Сондай-ақ оқыңыз: Рыбакинаға US Open-дегі жеңісінен кейін ерекше трофей табысталды
«Бұл мен үшін бәрін білдірер еді. Әртүрлі жабындарда өтетін төрт «Үлкен дулыға» турнирінің бәрінде жеңіске жету — таңғаларлық жетістік деп ойлаймын. Бұл — менің келесі мақсатым. Командаммен бірге алдағы жылдары осыған қол жеткізуге тырысу үшін қолдан келгеннің бәрін жасаймыз», — деді Рыбакина CBS телеарнасының эфирінде.
Еске салайық, Рыбакина алғашқы мейджорын 2022 жылы-ақ жеңіп, Уимблдонда топ жарған еді. 2026 жылы бұл тізімге Австралия мен АҚШ ашық чемпионаттарындағы жеңістер қосылды. Ал Roland Garros өтетін сазды корттардағы ойын Рыбакинаның ең әлсіз тұстарының бірі ретінде аталады.
